Ələt-Astara yolunun 59-cu km-də, Salyan rayonu ərazisində iki nəfərin ölümü ilə nəticələnən ağır yol-nəqliyyat hadisəsi baş verib. Ələt istiqamətində hərəkət edən Salyan rayonunun Şorsulu kənd sakini, 44 yaşlı Yunusov Şahin Nadir oğlunun idarə etdiyi “Mercedes” markalı avtomaşını yol kənarəndakı dəmir barmaqlıqlara çırpılaraq dərinliyi 4-5 metr olan Akkuşa çayına düşüb.

Sürücü Şahin Yunusov avtomobildən çıxaraq sağ qurtulsa da, onun həyat yoldaşı, 41 yaşlı Sevinc Fazil qızı Yunusova və 5 yaşlı qızı Şəms Yunusovanın həyatını xilas etmək mümkün olmayıb. Hadisə yerinə gələn FHN-nin Muğan regional şöbəsinnin əməkdaşları kranla maşını sudan çıxarsalar da, artıq Sevinc və Şəms Yunusovalar suda boğularaq ölmüş olub. ANSPRESS