22 yaşlı Bakı sakini İsmayıllıda zorlanıb

Bakı sakini İsmayıllı rayonunda zorlanmaya məruz qalıb. Bu barədə Milli.Az-a Bakının Binəqədi rayon Prokurorluğundan məlumat verilib.

Məlumata görə, rayonun Ziya Bünyadov prospektinin sakini 22 yaşlı Ə.C. prokurorluğa müraciət edərək tanışı Vüqar Rəhimov tərəfindən zorlandığını bildirib. O qeyd edib ki, ötən gün V.Rəhimov onu aldadaraq avtomobilinə mindirib və İsmayıllı rayonunun İvanovka kəndinə aparıb. Elə həmin gün axşam saatlarında orada onun bakirəliyini pozub.

Faktla bağlı Cinayət Məcəlləsinin 149-cu (zorlama) maddəsi ilə cinayət işi başlanıb. ANSPRESS