APA-nın məlumatına görə, sammitə 5 Xəzəryanı ölkənin - Azərbaycan, Rusiya, İran, Qazaxıstan və Türkmənistanın prezidentləri qatılacaq.

Sammitdə Xəzərin hüquqi statusu ilə bağlı fikir mübadiləsinin aparılması, Xəzər İqtisadi Əməkdaşlıq Təşkilatının yaradılması məsələsinin müzakirə olunması gözlənilir.

Dövlət başçılarının sonda Birgə Bəyannamə, əməkdaşlıq və təhlükəsizlik haqda iki saziş imzalayacaqları nəzərdə tutulur.

Qeyd edək ki, sammit iştirakçılarından biri - İran prezidenti Mahmud Əhmədinejad artıq Azərbaycandadır.