Bu il Azərbaycandan xarici ölkələrə dincəlmək məqsədilə gedənlərin sayı ötən ilə nisbətən azalıb. Dəqiq statistika məlum olmasa da, yerli turizm şirkətlərində bildirirlər ki azərbaycanlı turistlərin bir qismi bu il ölkəmizdə dincəlmək qərarına gəlib. Şirkət rəhbərləri yaranmış vəziyyəti Türkiyənin Antalya bölgəsinə aviabiletlərin qiymətinin təxminən 2 dəfə artırılması və bununla da xaricdə istirahətin baha başa gəlməsilə izah edir. Mədəniyyət və Turizm Nazirliyində isə hesab edirlər ki, turistlərin ölkə daxilində olan istirahət obyektlərinə üz tutması təkcə xaricdə istirahətin baha olması ilə bağlı deyil.

“Həqiqətən yerli turizmdə keyfiyyət artıb, qiymətlər də aşağı düşüb. Üstəlik xidmətlərin çeşidi də artıb”, - deyə nazirliyin turizm şöbəsinin müdiri Mahir Qəhrəmanov vurğulayıb. ANSPRESS