Azərbaycanlıları və gürcüləri təhqir edən Ukrayna Ali Radasının deputatı Fyodor Neqoy rəsmi qaydada üzr istəyib. ANS PRESS-in "Xerson Onlayn"a istinadla verdiyi məlumata görə, o bu gün mətbuat konfransı keçirib və üzr istəyib.

"Mən mətbuatda mənim adımdan başqa cür yayılan çıxışa görə, üzr istəyirəm. Mən alverçiləri nəzərdə tutmuşam. Onların isə arasında ukraynanlılar, azərbaycanalılar, ermənilər, gürcülər və başqaları da var. Amma mənim sözlərim təhrif edilib. Belə ki, alverçilər arasında bu milliyətdən olanlar cüzi faiz təşkil edir. Mənim bu millətlərdən olan və bizim ölkəmiz üçün çox şey edən və hazırda da etməkdə olan çox tanışım var. Amma alverçilər Ukraynanın problemidir. Onlar varlamaq üçün bizə gəlirlər və uraynalılar üçün heç nə etmirlər: ölkədə, vergilərdə qeydiyyata düşmürlər, vergiləri ödəmirlər, qanunsuz fəaliyyətlə məşğul olurlar. Bu mənim sözlərim də deyil. Bunu evlərində, həyətlərində meyvə-tərəvəz əkən, sonra isə bazara gələrək alverçilərin əlinə düşən insanlar da deyirlər. Bunun üçün də mənim sözlərim normal insanlara aid deyil. Burada ksenofobiya və milliyətçilik qoxusu belə hiss edilmir. Bunun üçün də mövzunu bağlayaq".

O, bir necə dəfə qeyd edib ki, KİV sözlərini dəyişdiyini və konteksdən çıxarış etdiyini deyib.