Türkiyədə 3 azərbaycanlı qadın tutulub
27 İyul 2009 Bazar Ertəsi 10:10
Türkiyədə 3 azərbaycanlı qadın tutulub. Sevda, Xanım və Aytəkin adlı qadınlar saxta pul gəzdirdikləri üçün saxlanılıblar.

 

Türkiyənin Manisa şəhərində ticarət mərkəzində saxta puldan istifadə etməyə cəhd edən üç azərbaycanlı qadın saxlanılıb. "İhlas"ın məlumatına görə, saxlanılanlar Sevda (42), Xanım (39) və Aytəkin (23) adlı qadınlardır. Qadınlar barədə polisə şikayəti isə onların davranışlarından şübhələnən ticarətçilər veriblər.

Ticarət mərkəzində təhlükəsizlik tədbirləri görən polis, qadınları sərnişin avtobusunda yaxalaya bilib. Saxta pul əskinasları qadınların üzərindən də çıxıb.

Hər üç qadın saxlanılıb. Faktla bağlı araşdırmalar davam edir. Qadınların pulu hansı yolla əldə etdikləri araşdırılır. /ANS PRESS/

 



DOSTLARINLA PAYLAŞ:

oyunlar