Bu barədə APA-ya açıqlamasında “Otokar”ın baş direktoru Sərdar Görgüc bildirib.

Konkret nə qədər zirehli transportyorun Azərbaycana göndərilməsi barədə məlumat verməyən S. Görgüc tədarük prosesinin bu yaxınlarda başa çatdırıldığını vurğulayıb. Şirkət rəhbəri əməkdaşlığın davam etdiyini və yaxın vaxtlarda daha da genişlənəcəyini bildirib.

S. Görgüc “Otokar” şirkətinin istehsalı olan “Cobra”, “Əqrəb” model zirehli transportyorların və “Land Rover Defender” nəqliyyat vasitələrinin iyunun 26-da Bakıda keçirilən hərbi paradda nümayişini yüksək qiymətləndirib: ““Otokar” olaraq Bakıda təşkil olunmuş hərbi keçiddə nəqliyyat vasitələrimizi görməkdən böyük qürur duyduq. 30-dan artıq ölkə istifadəçilərimiz arasındadır. Bu sıraya dost və qardaş Azərbaycanın əlavə olunması bizim üçün önəmli inkişafdır”. APA