Türkiyənin Azərbaycandakı səfiri Hulusi Kılıç Türkiyə tərəfinin Rusiyanın Azərbaycanda icarəyə götürdüyü Qəbələ RLS-in fəaliyyətində təhlükə gördüyü haqda bəzi kütləvi informasiya vasitələrinin fikirləri ilə razılaşmadığını bildirib.

“Bu, Azərbaycan və Rusiya arasında ikitərəfli münasibətlərin məsələsidir və Türkiyə tərəfini narahat etmir”, - deyə diplomat cümə günü mətbuat konfransında bəyan edib.

Səfirin sözlərinə görə, Azərbaycan-İsrail münasibətlərinin inkişafı da Türkiyə tərəfini narahat etmir. “Bu rəsmi Bakının işidir və mən bu münasibətləri şərh etmək istəməzdim”, - deyə o əlavə edib.