Türkiyənin TRT telekanalı bu gün Ermənistana, xüsusilə, İrəvana həsr olunmuş “Uzaq qonşu” filmini nümayiş etdirəcək. Film Bakı vaxtı ilə iyulun 9-u saat 00.45-də yayımlanacaq.

Filmin müəllifi Gülgün Cündübəyoğlu News.am-a açıqlamasında bildirib ki, film heç bir siyasi məqsəd güdülmür, Ermənistan paytaxtının ictimai və mədəni həyatını açır. Onun sözlərinə görə, uyğun atmosferin yaradılması üçün filmdə erməni bəstəkarların müsiqilərindən istifadə olunub. Gülgün Cündübəyoğlu bildirib ki, film TRT-də nümayiş etdirildikdən sonra beynəlxalq festivallarda iştirak edəcək.

Filmin rejissoru Özləm Okul isə filmin gözəl alındığını bildirib: “İrəvan gözəl şəhərdir. Film də əladır. Xüsusilə yekunu”.

Filmin çəkilişləri bi il əvvəl “İnternews Armenia” və “Internews network” tərəfindən aparılıb.