Bu gün Türkiyə Respublikasının IX prezidenti Süleyman Dəmirəl Azərbaycan Respublikasının prezidenti İlham Əliyevə telefonla zəng edib. Prezidentin mətbuat xidmətindən ANS PRESS-ə verilən məlumata görə, Süleyman Dəmirəl dövlət başçısına anadan olmasının 50 illiyi münasibətilə təbriklərini çatdırıb, ona dövlətçilik fəaliyyətində uğurlar və möhkəm cansağlığı arzulayıb.

Dövlət başçısı təbrikə və diqqətə görə Süleyman Dəmirələ minnətdarlığını bildirib. Telefon söhbəti zamanı dövlət başçısı və Türkiyə Respublikasının IX Prezidenti Heydər Əliyevlə Süleyman Dəmirəlin dostluq münasibətlərini yad ediblər.