SAM-dan APA-ya verilən məlumata görə, səfər zamanı C. Fridmanın SAM-da, Azərbaycan Prezident Administrasiyasında, Dövlət Neft Fondunda (ARDNF), Xarici İşlər Nazirliyi, Qaçqınlar və Məcburi Köçkünlərin İşləri üzrə Dövlət Komitəsində və Milli Məclisdə görüşləri nəzərdə tutulub.

O, həmçinin SAM-da “ABŞ-ın xarici siyasətində qeyri-tarazlılıq” mövzusunda keçiriləcək “dəyirmi masada” məruzə ilə çıxış edəcək.

Qeyd edək ki, Corc Fridman “Stratfor”u 1996-cı ildə yaradıb və bu günə kimi təşkilatın rəhbəridir. “Stratfor” dünyada baş verən hadisələr haqqında məlumatları toplayıb təhlil edərək, iqtisadi və geosiyasi proqnozlar hazırlayır. C. Fridman ABŞ-da nüfuzlu siyasətşünaslardan biri olaraq “Növbəti 100 il”, “Amerikanın gizli müharibəsi”, “Gələcək müharibələr” və digər analitik monoqrafiyaların müəllifidir.

Onu da əlavə edək ki, APA ilə “Stratfor” arasında əməkdaşlıq mövcuddur. APA