Rusiya növbəti il MDB məkanı, hər şeydən əvvəl Dağlıq Qarabağ və Dnestryanı münaqişələrinin siyasi nizamlanmasına dair aktiv səylərini davam etdirəcək. ANS PRESS-in məlumatına görə, bunu Rusiya xarici işlər naziri Sergey Lavrov xarici siyasətin nəticələri və 2012-ci ildə Rusiya diplomatiyasının prioritetləri haqda İnterfax-a müsahibə verərkən bildirib.

Müsahibə zamanı münaqişələrə toxunan Rusiya xarici siyasət idarəsinin rəhbəri deyib ki, münaqişə və böhranların qarşısının alınması və tənzimlənməsinə yardım göstərmək- ənənəvi olaraq xarici siyasət işimizin prioritetlərindəndir: “Biz MDB məkanında mövcud münaqişələrin, ilk növbədə Dağlıq Qarabağ və Dnestryanı münaqişələrin siyasi nizamlanmasına dair aktiv səylərini davam etdirəcəyik. Koreya yarımadası, Yaxın Şərq, Əfqanıstan və Pakistandakı vəziyyət bizim diqqətimizdədir”.