Milli Ordunun yaranmasının 93-cü ildönümü münasibəti ilə Azərbaycanın ilk tank batalyonunun heyəti şəhid olmuş cəbhə yoldaşlarını Şəhidlər Xiyabanında yad edib. Onlar Milli Qəhrəman Çingiz Mustafayevin də məzarı önünə gül qoyublar. Qeyd edək ki, “Səbail batalyonu” adlanan bu hərbi dəstə torpaqlarımız uğrunda bütün ağır döyüşlərdə vuruşan ilk tankçılarımız olub.

“Səbail batalyonu”nun komandiri Hacı Əzimov bu gün Bakıda keçirilən hərbi paradla bağlı fikirlərini açıqlayıb: “Ordumuzun gücünü gördük. Biz bu günü 1992-ci ildə həmişə yuxu kimi görürdük. Amma indi görürük ki, ordumuz güclüdür”. ANSPRESS