Rusiya Federasiyası ərazisində Azərbaycan dilində verilişlər yayımlayan ikinci televiziya kanalı fəaliyyətə başlayıb. Bu barədə ANS PRESS-ə yeni yaradılan “ELTV” şirkətinin prezidenti və təsisçilərindən biri olan Saleh Xudiyev məlumat verib. Şirkət rəhbərinin sözlərinə görə, iyun ayının 3-dən etibarən kanalın sınaq yayımlarına başlanılıb. Yeni kanal ABS-1 A peyki ilə MDB ölkələri, Avropanın bir hissəsi və digər ölkələrdə yayımlanır. Kanal Orta Asiya, Qafqaz və dünyada baş verən hadisələrə iqtisadi və siyasi dəyişikliklərə öz müstəqil və obyektiv münasibəti ilə seçilməyə çalışacaq.

Kanalın rəhbəri Rusiya Federasiyasındakı Azərbaycan icmasının fəaliyyətinin işıqlandırılması və gücləndirilməsi üçün də kanalın əhəmiyyətli ola biləcəyini qeyd edib.

Xatırladaq ki, Rusiya ərazisində ilk Azərbaycan dilli telekanal “İnterAz” 2002-ci ilin noyabrından fəaliyyətə başlayıb. ANSPRESS