BMT Təhlükəsizlik Şurasının Liviya ilə bağlı yeni mümkün qətnaməsi bu ölkədə vətəndaş müharibəsinin daha da gərginləşməsinə səbəb olacaqsa, Rusiya onu dəstəkləməyəcək. Bunu bəyan edən Rusiyanın xarici işlər naziri Sergey Lavrov bildirib ki, Moskva yalnız tərəfləri danışıqlar masasına çağıracaq mümkün qətnaməni dəstəkləyməyə hazırdır.

«Yeni qətnamə hələlik mövcud deyil. Ancaq deyə bilərəm ki, zorakılığa, qon tökülməsinə, döyüşlərə son qoyulmasına və tərəfləri dərhal danışıqlar masasında əyləşərək Liviyanın gələcəyi ilə bağlı razılığa gəlməyə çağıran qətnamə çıxarılsa, biz onu dəstəkləyəcəyik. Qətnamə bu və ya digər tərzdə vətəndaş müharibəsinin daha da dərinləşməsinə, həmçinin daxili işlərə müdaxiləyə səbəb olacaqsa, biz onu dəstəkləyə bilməyəcəyik.»-Sergey Lavrov belə deyib.