Bu gün Moskvada Rusiya xarici işlər naziri Sergey Lavrov, Azərbaycan xarici işlər naziri Elmar Məmmədyarov və Ermənistanın xarici işlər naziri Edvard Nalbandyan arasında görüş keçirilib. ANS PRESS-in Rusiya Xarici İşlər Nazirliyinin internet saytına istinadən yaydığı məlumata görə, görüşdə Dağlıq Qarabağ münaqişəsinin həlli istiqamətində müzakirələr aparılıb.

Məlumata görə, Sergey Lavrov, Elmar Məmmədyarov və Edvard Nalbandyan bu ilin martın 5-də Soçidə keçirilən üçtərəfli sammitdə əldə olunmuş anlaşmalara uyğun olaraq Qarabağ nizamlanması ilə bağlı aktual məsələlərə toxunub.

Xatırladaq ki, bu ilin martın 5-də Azərbaycan, Rusiya və Ermənistan prezidentlərinin Soçidə keçirdikləri görüşdə Dağlıq Qarabağ münaqişəsinin nizamlanması perspektivləri, atəşkəs rejiminin möhkəmləndirilməsi və etimad tədbirləri müzakirə edilib. ANSPRESS