Vişnevskaya-Rostropoviç Fondunun prezidenti Yelena Rostropoviç, qurumun icraçı direktoru Viliam Amoss və tibbi direktoru Raul Vintzedən ibarət nümayəndə heyəti Azərbaycana səfərə gəlib.

Səfərin məqsədi Səhiyyə Nazirliyi ilə Fond arasında 2010-2012-ci illərdə birgə əməkdaşlıq çərçivəsində həyata keçiriləcək “Hamilə qadınların HepB və HİV-ə qarşı diaqnostikası və yeni doğulmuş uşaqların HepB-ə qarşı profilaktikası” və “Məktəbli uşaqlar arasında helmintlərə qarşı mübarizə” proqramlarının genişləndirilməsi ilə bağlı ikitərəfli əməkdaşlıq müqaviləsinin imzalanmasıdır.

Mayın 29-dək davam edəcək səfər çərçivəsində nümayəndə heyəti Azərbaycanın səhiyyə naziri və digər hökumət rəsmiləri ilə görüşlər keçirəcək və bir sıra tibb müəssisələrində olacaq. ANSPRESS