"Real" (Madrid) klubunun portuqaliyalı ulduzu Kriştiano Ronaldo attığı addımla dünya ictimaiyyətinin gündəminə gəlib. ANS PRESS-in Türkiyə mətbuatına istinadla verdiyi məlumata görə, buna səbəb ulduz futbolçunun xeyriyyə niyyəti olub.

Belə ki, ötən il "Qızıl buts" qazanan Ronaldo bu mükafatının hərracda satılmasına icazə verib. Hərracdan əldə ediləcək təqribən 1,5 milyon avroluq vəsait isə fələstinli uşaqlara bağışlanacaq.

Ronaldo bu pulu "Real"ın (Madrid) Qəzzadakı uşaqlar üçün məktəb tikdirən vəqfinə verəcək. Bu addımı ilə Ronaldo ərəb dünyanının böyük rəğbətini qazanıb.

Qeyd edək ki, portuqaliyalı ulduz daha öncə də 66 ölkədən 167 məktəbə xeyriyyə vəsaiti bağışlayaraq önəmli addımlar atıb.