Türkiyənin baş naziri Rəcəb Tayyib Ərdoğan Novruz bayramı ilə əlaqədar xalqa müraciət edib. Türkiyə mətbuatının yazdığına görə, o qeyd edib ki, Orta Asiyadan Avropaya qədər uzanan müştərək mədəniyyət coğrafiyasında Novruz bayramı əsrlərdən bu yana eyni ruh və həyəcanla qeyd olunur.

“Norvuz bayramı bizlərə hamımızın qardaş olduğunu, hamımızın eyni kökdən, eyni ruhdan gəldiyimizi xatırladır. Bu üzdən də bu mənalı günü bütün millətimizlə əl-ələ verərək qeyd edəcəyik, sıx birləşərək bir-birimizi bağrımıza basacağıq. Mən başda əziz millətimiz olmaqla, müştərək mədəniyyət coğrafiyamızda yaşayan bütün qardaşlarımızı Novruz Bayramı ilə əlaqədar təbrik edirəm", - deyə o vurğulayıb. ANSPRESS