Bu gün Qafqaz Müsəlmanları İdarəsinin Qazilər Şurası orucluq ibadətinin – Ramazan ayının başlanması ilə bağlı fətva verib. Ramazan ayının ilk günü miladi təqvimi ilə iyulun 21-ə təsadüf edir. Bu barədə məlumatı ANSPRESS-ə QMİ-nin mətbuat xidmətinin rəhbəri Rəhimə Dadaşova verib.
Qazilər Şurasının bu gün keçirilən toplantısında bu barədə qərar qəbul edilib.

Ayın görünməsindən asılı olaraq Ramazan – fitrə bayramı miladi təqvimi ilə avqustun 19-u və ya 20-ə düşür. Qafqaz Müsəlmanları İdarəsi mübarək Ramazan ayında səbrli olmağa və Allah yolunda xeyirxah işlər görməyə dəvət edib.

QMİ-nin tərtib etdiyi cədvələ əsasən, Qədr gecələri Ramazan ayının 18-dən 19-na, 20-dən 21-nə, 22-dən 23-nə, və 26-dan 27-nə keçən gecələrə (avqust ayının 18-dən 19-na, 20-dən 21-nə, 22-dən 23-nə və 26-dan 27-nə keçən gecə) təsadüf edir.