Beynəlxalq Qızıl Xaç Komitəsinin (BQXK) nümayəndələri Ermənistanda saxlanılan azərbaycanlı hərbi əsirə baş çəkiblər. BQXK-nın Azərbaycan nümayəndəliyinin mətbuat katibi Şəhla Qəhrəmanovanın ANS PRESS-ə verdiyi məlumata görə, başçəkmə zamanı əsirə ailəsindən bir “Qızıl Xaç” məktubu çatdırılıb, əsirdən isə iki “Qızıl Xaç” məktubu alınıb.

Qeyd edək ki, Azərbaycan Müdafiə Nazirliyi Silahlı Qüvvələrin əsgəri, 1992-ci il təvəllüdlü Fərəcov Firuz Mirzə oğlu qoşunların təmas xəttinin Tovuz rayonu istiqamətində azaraq erməni silahlı bölmələrinə əsir düşüb.

Xatırladaq ki, hazırda Azərbaycanda Ermənistan vətəndaşları olan bir ailə saxlanılır. Onlar 2010-cu ilin yanvarında Azərbaycan tərəfə keçiblər.