Paytaxtın Səbail rayonu ərazisində, Nizami küçəsində, Fəvvarələr meydanında, “Azərbaycan kinoteatrı”nın yanında qəzet və jurnalların stellaj vasitəsilə satılmasına qoyulan məhdudiyyət aradan qaldırılıb.

ANS PRESS-in məlumataına görə, bu gündən etibarən Bakı şəhər Ticarət Departamenti tərəfindən qəzet və jurnalların satışı üçün icazəsi olan şəxslərin fəaliyyətlərini davam etdirməsinə icazə verilib.

Qeyd edək ki, iyun ayının 1-dən etibarən paytaxtın mərkəzi küçələrində, əsasən də Səbail rayonunda aparılan təmir-tikinti işləri ilə əlaqədar olaraq bir neçə yerdə qəzet və jurnalların stellaj vasitəsilə satılmasına Səbail rayon İcra Hakimiyyəti və Səbail rayon Polis İdarəsi tərəfindən məhdudiyyət tətbiq edilmişdi. ANSPRESS