İngiltərənin “Liverpul” klubunun baş məşqçisi Rafael Benites Paris-Bordo qatarında mətbuat konfransı keçirib. Baş məşqçi “Liverpul” klubunun futbolçuları ilə birlikdə qatarla Borda şəhərinə, oradan isə Madridə yola düşüb. “Liverpul” bu şəhərdə UEFA Avropa Liqası turniri çərçivəsində yerli “Atletiko” klubu ilə qarşılaşacaq.

Mətbuat konfransına gəldikdə isə Rafael Benites İslandiyada baş vermiş vulkan püskürməsi nəticəsində Avropada bir-çox təyyarə reysinin təxirə salınması səbəbindən Madridə belə ağır yolla getdikləri üçün təəssüfləndiyini bildirib. Baş məşqçi “Atletiko” klubu ilə cavab qarşılaşmasınadək təyyarə reyslərinin qaydasına düşəcəyinə ümid etdiyini bildirib.

Xatırladaq ki, Avropa Liqası turniri çərçivəsində “Liverpul” - “Atletiko” klubları arasında ilk qarşılaşma aprelin 22-də, cavab oyunu isə 1 həftə sonra baş tutacaq. ANSPRESS