Dağlıq Qarabağ münaqişəsi beynəlxalq hüquq və prinsipləri çərçivəsində sülh yolu ilə həll olunmalıdır. ANS PRESS-in AzTV-yə istinadən verdiyi xəbərə görə, bunu Bakıda səfərdə olan Latviya prezidenti Valdis Zatlers deyib. Onun sözlərinə görə, münaqişənin nizamlanması ilə ATƏT-in Minsk qrupu məşğul olur və problemin həlli istiqamətində müafiq addımlar atılır.

"Bu məsələdə tələsmək olmaz. Biz diqqətli və ehtiyatlı olmalıyıq. Biz danışıqların nəticəsiz başa çatmasını istəməzdik", - deyə Zatlers Azərbaycan prezidenti İlham Əliyevlə danışıqlardan sonra keçirilən birgə mətbuat konfransında vurğulayıb. /ANS PRESS/