SSRİ-nin saxlanılması üçün ciddi cəhd göstərərək onun dağılmasına yol vermək lazım deyildi. ANS PRESS-in RİA “Novosti” agentliyinə istinadən verdiyi məlumata görə, bu sözləri Vladimir Putin canlı efirdə vətəndaşların suallarını cavablandırarkən deyib.

“SSRİ zamanında hakimiyyətdə olsa idiniz, necə addım atardınız?” sualına belə cavab verib: “İlk növbədə Sovet İttifaqında iqtisadi və təhsil islahatlarını vaxtında keçirmək lazım idi. Bundan başqa dövlətin ərazi bütövlüyünü saxlamaq uğrunda mübarizə aparmaq lazım idi”,- deyə Vladimir Putin bildirib.

Xatırladaq ki, Rusiyanın baş naziri Vladimir Putin aparıcı Ernest Matskyaviçuvelinin verilişində vətəndaşların suallarını cavablandırıb.