Gəncə şəhərində polisləri təhqir edən saxta polis saxlanılıb. Daxili İşlər Nazirliyinin mətbuat xidmətindən verilən məlumata görə, sentyabrın 27-də saat 00.30 radələrində Gəncə şəhəri ərazisində şəhər sakini, əvvəllər məhkum olunmuş Elçin Həsənov idarə etdiyi "VAZ-2105" markalı avtomaşını hasara vurub. O, hadisə yerinə gələn Gəncə Şəhər Polis İdarəsinin əməkdaşları, polis serjantları Xəyal Heydərova və Qafar Nəcəfova polis əməkdaşı olduğunu bildirərək onları təhqir edib.

E. Həsənovun Gəncə ŞPİ əməkdaşlarına təqdim etdiyi polis vəsiqəsinin saxta olduğu müəyyən edilib və o saxlanılaraq barəsində araşdırma başlanılıb. ANSPRESS