“Kurtlar Vadisi”nin Polad Alemdarı Necati Şaşmaz “Pana” film şirkətinin yeni layihəsi olan tarixi kinoda rol oynayacaq. Şaşmaz Osmanlı dövlətinin dəniz admiralı olan Barbarossa Xeyrəddin Paşanı canlandıracaq. Məlumata görə yeni layihə üçün hazırlıqlar başlayıb və sponsor axtarışları davam edir.

Qeyd edək ki, öz adı Xızır Rəis olan və Osmanlı dövlətində ilk dəfə Kapitan-Paşa rütbəsi verilən bu şəxsə Qanuni sultan Süleyman Xeyrəddin (Dinin xeyirlisi) adını verib. Mənası italyanca “Qırmızı saqqal” olan Barbarossa adı isə onun qardaşı Oruc Rəisə avropalıların verdiyi addır. Oruc Rəisin vəfatından sonra qardaşı Xızır Rəis Barbarossa Xeyrəddin Paşa adı ilə məhşur olub.