Azərbaycan Respublikası dövlət müstəqilliyinin 19-cu ildönümü Nyu York Uol Strit rayonundakı Boylinq Qrin parkda qeyd edilib. ABŞ-da fəaliyyət göstərən “Azərbaycan” cəmiyyəti tərəfindən təşkil olunan tədbirdə Azərbaycan Respublikasının BMT yanında Daimi nümayəndəsi, fövqəladə və səlahiyyətli səfir Aqşin Mehdiyev də iştirak edib. Tədbirdə çıxış edən A. Mehdiyev azərbaycanlılara müraciət edərək inkişafda olan Azərbaycanın onlara ehtiyacı olduğunu deyib. “Özünüzü burda yalqız hiss etməyin. Azərbaycanın inkişafında sizin də dəstəyiniziə ehtiyac var”.

Tədbirdə çıxış edən Nyu York “Azərbaycan” cəmiyyətinin sədri Ercan Yeldelenli isə hal-hazırda ermənilərin işğalı altında olan Dağlıq Qarabağın Azərbaycan torpağı olduğunu xatırladıb və bu torpaqların gec-tez işğaldan qurtulacağını vurğulayıb.

Tədbirin sonunda isə Azərbaycan Respublikasının üçrəngli bayrağı ucaldılıb. ANSPRESS