Bu gün Gürcüstan prezidenti Mixail Saakaşvili Azərbaycan Respublikasının prezidenti İlham Əliyevə telefonla zəng edib. Mixail Saakaşvili prezident İlham Əliyevə anadan olmasının 50 illiyi münasibətilə təbriklərini çatdırıb, ona dövlətçilik fəaliyyətində uğurlar arzulayıb.

Dövləti başçısı təbrikə və diqqətə görə Mixail Saakaşviliyə minnətdarlığını bildirib. Prezidentlər Azərbaycanla Gürcüstan arasında əlaqələrin bundan sonra daha da genişlənəcəyinə əmin olduqlarını vurğulayıblar.