Viktoriya Dementyeva-APA. ATƏT-in Minsk Qrupunun həmsədrləri tam heyətdə Bakıya gəliblər. APA-nın məlumatına görə, artıq vasitəçilər Azərbaycan paytaxtında görüşlərə başlayıblar. Bernar Fasie, Robert Bradtke, İqor Popov və ATƏT sədrinin şəxsi nümayəndəsi Anjey Kaspşik bu gün xarici işlər naziri Elmar Məmmədyarov və prezident İlham Əliyevlə görüşəcəklər. Onlar Dağlıq Qarabağa qiymətləndirici missiyanın yekunlarına dair hesabatı prezident İlham Əliyevə təqdim edəcəklər. Sabah ATƏT-in Minsk Qrupunun həmsədrləri sabah İrəvanda görüşlər keçirəcəklər.