ATƏT-in Minsk qrupunun səhra köməkçiləri BMT-nin ekspertləri ilə birgə işğal altında olan Dağlıq Qarabağ ətrafı rayonlarda apardıqları qiymətləndirici missiyanın hazırladığı hesabatı Ermənistan və Azərbaycana təqdim ediblər. Bu barədə Ermənistanın kütləvi informasiya vasitələri məlumat yayıb. Hesabatın mətni isə açıqlanmayıb.

Azərbaycanın Xarici İşlər Nazirliyinin mətbuat katibi Elxan Poluxov ANS-ə bildirib ki, məsələ ilə bağlı Azərbaycan tərəfinə məlumat daxil olmayıb.

Xatırladaq ki, müşahidələr bu ilin oktyabrın 4-14-ü tarixlərində aparılıb. Araşdırmalarda ATƏT-in Minsk qrupu ilə birgə BMT-nin Qaçqınlar üzrə Ali Komissarlığının nümayəndələri də iştirak edib.