Bu gün Milli Qəhrəman Mübariz İbrahimovun həyat və döyüş yolundan bəhs edən sənədli film nümayiş etdiriləcək. Qeyd edək ki, filmin çəkilişləri qəhrəman gizirin xidmət etdiyi hərbi hissədə, onun doğulub boya-başa çatdığı Biləsuvar rayonunda aparılıb. Valideynləri və hərbçi dostları vətən uğrunda həyatını qurban vermiş şəhid haqqında maraqlı xatirələr danışıblar. Filmdə aktyorların ifasında döyüş səhnələri canlandırılıb ki, bu da Mübarizin hünər və şücaəti barədə tamaşaçıda aydın təsəvvür yaratmağa xidmət edir. Filmin ssenari müəllifi tanınmış telejurnalist Müsəllim Həsənov, rejissoru Rövşən Hüseynovdur. ANSPRESS