Ermənistan silahlı qüvvələrinin bölmələri mayın 21-də və 22-də atəşkəs rejimini pozub. Erməni ordusu saat 14.20-dən 14.25-dək Füzuli rayonunun Qorqan kəndi,saat 21.45-dən 21.55-dək Xocavənd rayonunun Kuropatkino kəndi,saat 23.45-dən 23.50-dək və mayın 22-də 03.10-dan 03.30-dək Ağdam rayonunun Yusifcanlı və Qaraqaşlı kəndləri,saat 05.46-dan 06.00-dək Goranboy rayonunun Tapqaraqoyunlu kəndi, saat 03.05-dən 03.30-dək Ermənistanın Noyanberyan rayonunun Voskevan kəndində yerləşən mövqelərdən Qazax rayonunun Quşçuayrım kəndində yerləşən Azərbaycan Silahlı Qüvvələrinin üzbəüz mövqelərini avtomat və pulemyotlardan atəşə tutublar. Müdafiə Nazirliyinin mətbuat xidmətindən verilən məlumata görə, düşmən cavab atəşi ilə susdurulub.