Macarıstanın baş naziri Viktor Orban Bakıda keçirilən Krans Montana Forumunda iştirak etmək üçün Azərbaycana rəsmi səfərə gəlib.

Hər iki ölkənin dövlət bayraqlarının dalğalandığı Heydər Əliyev Beynəlxalq Aeroportunda Macarıstan hökuməti başçısının şərəfinə fəxri qarovul dəstəsi düzülüb. Hava limanında Macarıstanın baş naziri Viktor Orbanı Azərbaycannın baş nazirinin birinci müavini Yaqub Eyyubov və digər rəsmi şəxslər qarşılayıblar.

Macarıstanın və Azərbaycanın dövlət himnləri səsləndirilib.

Sonra Beynəlxalq Aeroportun ali qonaqlar üçün salonunda Viktor Orban və Yaqub Eyyubov arasında qısa protokol söhbəti olub.

Baş nazir Viktor Orban hava limanından onun üçün ayrılmış iqamətgaha yola düşüb.