Bu gün Macarıstan prezidenti Pal Şmittin Bakıya rəsmi səfəri başlayır. Səfər noyabrın 12-ə qədər davam edəcək. Səfər çərçivəsində Pal Şmittin Azərbaycan prezidenti İlham Əliyevlə görüşəcəyi planlaşdırılır. Səfərdə Macarıstan prezidentini biznesmenlər qrupu müşayət edəcək.

Bakıda Azərbaycan-Macarıstan biznes forumunun keçiriləcəyi də planlaşdırılır. Danışıqlarda əsas müzakirə mövzularından birinin Azərbaycan qazının Macarıstan ərazisi ilə nəqli məsələsinin olacağı gözlənilir. Belə ki, BP şirkətinin Azərbaycanın qazının nəqli ilə bağlı təklif etdiyi variantda qazın Türkiyə ərazisindən Macarıstan və Xorvatiyaya daşınacağı nəzərdə tutulur.

İstisna deyil ki, rəsmi Budapeşt qazın bu marşrutla nəqli müqabilində Azərbaycana ölkənin qaz paylama sistemində iştirak təklif edəcək.