Azərbaycan bayrağı Londonun Olimpiya kəndində aşağı endirilib. Baş vermiş hadisə ilə bağlı həqiqəti ANS araşdıraraq həqiqəti ortaya çıxarıb. Bayrağın endirilməsi məsələsinə Gənclər və İdman nazirliyinin mətbuat katibi Səmayə Məmmədova aydınlıq gətirib:
"Bayrağımız İran bayrağından böyük idi və onun üzərini örtürdü. Biz də etika xatirinə bayrağı yuxarı qaldırmışdıq. Amma gecə Olimpiya kəndində güclü külək olub. Bu səbəbdən də nümayəndə heyətimiz bayrağı ötən gecə yığışdırıb. Səhər saatlarında isə onu yerinə taxıblar”.

Xatırladaq ki, Azərbaycan bayrağı Olimpiya kəndində Azərbaycan bayrağı iyulun 25-də qaldırılmışdı. Tədbirdə gənclər və idman naziri Azad Rəhimov, Olimpiadada yığmamızın şef-de-missionu İlham Mədətov, Azərbaycanın İngiltərədki səfiri Fəxrəddin Qurbanov, idmançılar və rəsmilər iştirak ediblər.