Rusiya Federasiyası Prezidenti Administrasiyasının rəhbəri Sergey Narışkin hesab edir ki, Müstəqil Dövlətlər Birliyində (MDB) islahatlar aparılmalıdır. O bildirib ki, islahatlar ilk növbədə idarə strukturlarını əhatə etməlidir.

Kreml rəsmisi qeyd edib ki, dünyada daimi heç nə yoxdur və Birlikdə islahatların aralıması ideyasında qeyri-adi nəsə axtarmaq lazım deyil: “Bu, tamamilə normal prosesdir. MDB çərçivəsində fəaliyyətin konkretləşdirilməsi istiqamətində hərəkət etmək lazımdır”. Rusiya Federasiyası Prezidenti Administrasiyasının rəhbəri bildirib ki, Birlik çərçivəsində əməkdaşlıq həm ona üzv olan ayrı-ayrı ölkələr, eləcə də MDB-nin özü üçün faydalı olmalıdır. ANSPRESS