Qəzzaya yardım aparan “Mavi Mərmərə” gəmisinə basqın edərək 6 nəfərin ölümünə səbəb olan israilli hərbçiyə "Qəhrəmanlıq medalı" verilməsi nəzərdə tutulur. Ötən gün adı açıqlanmayan komandir İsrailin “Jerusalem Post” qəzetinə açıqlama verib. O, hadisə barədə danışarkən “başqa çarəmiz yox idi”, deyə bildirib. Komandirin sözlərinə görə, gəmiyə enər-enməz onlara metal dəyənəklərlə hücum ediblər. O, gəmini “savaş meydanı”, gəmidəkiləri isə “muzdlu əsgərlər” adlandırıb.

Adı açıqlanmayan komandirin iddialarına görə, fəallar əsgərlərin iki tapançasını alaraq ətrafa atəş açmağa başlayıblar. “Heç şübhəsiz ki, bunlar terrorçular idi. Gözlərində qatil ifadəsi var idi və bizi öldürmək üçün gəlirdilər”. ANSPRESS