İlham Əliyev Qırğızıstanın yeni prezidentini Azərbaycana dəvət edib
22 Dekabr 2011 Cümə Axşamı 00:19
Təklif Almazbek Atambayev tərəfindən qəbul olunub.
Azərbaycan prezidenti İlham Əliyev Rusiyaya işgüzar səfəri zamanı Qırğız Respublikasının prezidenti Almazbek Atambayevlə görüşüb. ANS PRESS-in AzərTAc-a istinadən verdiyi məlumata görə, görüşdə Azərbaycanın dövlət başçısı Almazbek Atambayevi Qırğız Respublikasının prezidenti vəzifəsinə seçilməsi münasibətilə təbrik edib, ona uğurlar arzulayıb.
Dövlətlərimiz arasında münasibətlərin yaxşı perspektivlərə malik olduğunu deyən prezident İlham Əliyev əminliyini bildirib ki, ölkələrimiz bir-birini daim dəstəkləyəcək.
İqtisadi əməkdaşlığın və humanitar əlaqələrin genişləndirilməsi üçün böyük işlərin həyata keçirilməsi imkanlarından danışan prezident İlham Əliyev ölkələrimiz arasında münasibətlərin yüksələn xətlə inkişaf etdiyini deyib.
Dövlətimizin başçısı Qırğızıstan Respublikasının prezidentini Azərbaycana rəsmi səfərə dəvət etdi. Dəvət məmnunluqla qəbul olunub.
DOSTLARINLA PAYLAŞ: