“Mayın 11-də prezident İlham Əliyev hadisə ilə bağlı keçirdiyi müşavirədə bəyan etdi ki, subasma zonasında insanlara dəymiş zərər dövlət tərəfindən ödəniləcək. Prezident qeyd etdi ki, Azərbaycan dövləti güclü dövlətdir, öz əhalisinə dəymiş zərəri özü ödəyəcək. KİV-lərdən xəbər tuturam ki, bəzi humanitar təşkilatlar subasma zonasında yardım kampaniyasına hazırlaşırlar. Buna heç bir ehtiyac yoxdur”.

Bunu hazırda subasma zonasındakı operativ qərargahda olan fövqəladə hallar naziri Kəmaləddin Heydərov jurnalistlərə açıqlamasında deyib. Nazir söyləyib ki, prezident artıq Fövqəladə Hallar Nazirliyinə müəyyən qədər vəsait də ayırıb. Onun sözlərinə görə, bütün zərərçəkənlər ərzaq, yataq dəsti, tibbi xidmətlə təmin olunub: “Zərərçəkənlərə yardım etmək istəyən insanlara, təşkilatlara təşəkkür edirik. Amma bu yardımlara ehtiyac yoxdur”. ANSPRESS