Heydər Əliyev Fondunun Türkiyə nümayəndəliyi və Azərbaycanın Türkiyədəki səfirliyi Ankaradakı “Kent” mehmanxanasında müqəddəs Qurban bayramı münasibətilə qardaş ölkədə təhsil alan tələbələrimiz üçün bayram tədbiri keçirib. Tədbirdə Azərbaycan Prezidenti İlham Əliyevin Qurban bayramı münasibətilə xalqımıza təbrikinin mətni oxunub.

Səfirliyin təhsil attaşesi Nəcibə Nəsibova çıxış edərək, Ankara, İstanbul, İzmir, Bursa, Adana, Samsun, Əskişəhir, Çanaqqala və Kocaeli şəhərlərində tələbələrimiz üçün Qurban bayramı münasibətilə tədbirlər təşkil edən Heydər Əliyev Fondunun prezidenti Mehriban Əliyevaya, Fondun Türkiyə nümayəndəliyinə gənclər adından təşəkkürünü bildirib.

Azərbaycanın təhsil naziri Misir Mərdanovun və Türkiyədəki səfiri Faiq Bağırovun da tələbələrə bayram təbrikləri çatdırılıb.

Sonra tədbir bayram süfrəsi arxasında davam edib. ANSPRESS