Fonddan APA-ya verilən məlumata görə, 2012-2013-cü dərs ili ərəfəsində Heydər Əliyev Fondunun həyata keçirdiyi aksiya qaçqın və məcburi köçkün ailələrindən olan birinci sinif şagirdlərini çanta və dərs ləvazimatı ilə təmin edəcək. Bu məqsədlə hazırlanmış 15 min çanta artıq məktəblərə paylanıb. Çantada 15 adda dərs ləvazimatı - fənn dəftərləri, üç adda albom, rəngli karandaşlar, plastilin, boya, qayçı, qələm və s. var.

Ötən illərdə Fond qaçqın və məcburi köçkün ailələrindən olan birinci sinif şagirdləri ilə yanaşı, xaricdə yaşayan soydaşlarımıza da öz töhfəsini göndərib. 2008-2009-cu dərs ilində həyata keçirilən aksiya isə bütün ölkə üzrə nəzərdə tutulduğundan birincilərə paylanan çantaların sayı 130 min ədəd olub.