Xankəndidə tikilən hava limanı Dağlıq Qarabağın statusunun dəyişdirilməsində istifadə oluna bilməz və həmsədrlər tərəfləri onların ərazilərinin üstündən uçuşlar üçün beynəlxalq qanunlara uyğun hərəkət etməyə çağırırlar. Bunu ATƏT-in Minsk qrupunun həmsədrləri regiona səfərlərinin nəticələrini açıqlayarkən qeyd ediblər.

Bundan başqa, qurumun vasitəçiləri bildirirlər ki, 10-13 iyul tarixlərində keçirdiyi görüşlərdə tərəflərə Dağlıq Qarabağ münaqişəsinin sülh yolu ilə nizamlanması məsələsində öz mövqelərini bir daha bəyan ediblər.