ATƏT-in Minsk Qrupunun həmsədrləri Robert Bradtke, İqor Popov və Jak For Azərbaycanın işğal altında olan ərazilərində fəaliyyət göstərən separatçı rejimin rəhbərliyi ilə görüşüb.

ANS PRESS-in erməni mətbuatına istinadla verdiyi məlumata görə, separatsçı rejimin rəhbəri Bako Saakyanla görüşdən sonra rusiyalı həmsədr İqor Popov bildirib ki, münaqişəsinin nizamlanmasına dair danışıqların formatı Dağlıq Qarabağın bu prosesə qoşulması ilə genişlənə bilər.

Onun sözlərinə görə, həmsədrlər həmişə Qarabağ müəyyən mərhələdə danışıqlar prosesinə qoşulmalı olduğunu deyiblər. Popov bu mərhələnin nə vaxt başlayacağını bilməsə də, sülh sazişinin detallarının müzakirəsi başladıqda danışıqlar formatı genişlənə biləcəyini güman edir.