Azərbaycanda parlament seçkiləri çox yüksək səviyyədə keçirilib. Bu sözləri GUAM-ın baş katibi Valeri Çeçelaşvili deyib. Azərbaycanda parlament seçkilərinin gedişinin onda xoş təəssürat yaratdığını vurğulayan baş katib prosesin azad, demokratik və şəffaf keçirildiyini bildirib.

Seçicilərin səs verməsi üçün bütün şəraitin yaradıldığını qeyd edən V.Çeçelaşvili qeyd edib ki, GUAM-ın qısamüddətli missiyası parlament seçkilərində Bakının 15 saylı Yasamal birinci və 16 saylı Yasamal ikinci seçki dairələrinin məntəqələrində monitorinq keçirib.

Baş katibin sözlərinə görə, GUAM-ın missiyasının müşahidələrinin nəticələri müzakirə olunacaq və bəyanat hazırlanacaq. ANSPRESS