Dünyanın ən böyük ictimai şəbəkə saytı olan “Facebook”da “26 fevral 2010 günü balkonlara Azərbaycan bayrağı asaq” adlı Xocalıya dəstək aksiyası keçirilir. Aksiyanı “Facebook”dakı “Xocalını hər kəs unutdu, biz unutmadıq” qrupu təşkil edib. “Şəhidlər üçün can Azərbaycanımızın üç rəngli bayrağını balkonlara asaq və can Azərbaycanımızda bir ilki reallaşdıraq” şüarı ilə keçirilən aksiyanın məqsədi 18 il əvvəl ermənilər tərəfindən törədilən Xocalı soyqırımı şəhidlərini yad etmək və soyqırımına etiraz etməkdir.

Təşkilatçılar aksiyaya böyük dəstək olacağını, “Facebook”da üzvlüyü olmayanların, həmçinin dünyanın hər yerində yaşayan Azərbaycanlı və türklərin də olduqları yerdə aksiyaya dəstək verəcəklərinə ümid etdiklərini bildirib.

Qeyd edək ki, aksiyada iştirak etmək üçün qrupa virtual dəstək fevralın 15-də başlayıb və 27 fevralda başa çatacaq. ANSPRESS