“Eurovision” Mahnı Müsabiqəsi “Bakı-2012”nin İşçi Qrupu müsabiqənin finalını izləmək istəyənlərə müraciət edib. ANS PRESS-in məlumatına görə, İşçi Qrupu “Eurovision-2012” mahnı müsabiqəsinin final mərhələsinə “Baku Cristall Hall”da tamaşa edəcək şəxslərdən nömrələri əldə etdikləri biletlərin üzərində əks olunmuş şəxsiyyətlərini təsdiq edən sənədi özləri ilə götürməyi xahiş edir. Müvafiq sənədi olmayan və ya biletlərində əks olunmuş nömrələrin şəxsiyyəti təsdiq edən sənədlərin nömrələri ilə uyğun gəlməyən şəxslər “Baku Cristall Hall”a buraxılmayacaqlar.