APA-nın Ermənistanın “Panorama.am” saytına istinadən verdiyi məlumata görə, “Armenian Cyber Army” haker qrupu Azərbaycanın APA, “Vesti.az”, “Day.az”, “Trend”, “1news” və digər xəbər saytlarına hücum etdikdən sonra dövlət orqanlarının saytlarına da hücuma başlayıb.

Hakerlər Azərbaycan Ədliyyə Nazirliyinin Normativ-hüquqi aktların vahid internet elektron bazasının (e-qanun.az) saytını dağıdıblar.

Azərbaycan hakerləri isə Ermənistan prezidentinin saytını dağıdıblar. “Azerbaijan Defacers” adlı haker qrupu “www.president.am”la yanaşı, “www.armenpress.am” və “www.armtoday.info” saytlarına da hücum edərək saytları dağıdıblar.