Bu gün Azərbaycanın xarici işlər naziri Elmar Məmmədyarovun rəhbərlik etdiyi nümayəndə heyəti Küveytə işgüzar səfərə yola düşüb. Xarici İşlər Nazirliyindən ANS PRESS-ə verilən məlumata görə, səfərdə məqsəd Azərbaycan-Küveyt Hökumətlərarası Komissiyasının birinci iclasının işində iştirak etməkdir.

İki günlük səfər çərçivəsində nazir E.Məmmədyarovun Azərbaycan-Küveyt Hökumətlərarası Komissiyasının birinci iclasında iştirakı ilə yanaşı Küveyt Dövlətinin vəliəhdi əlahəzrət Şeyx Nəvvaf Əl-Əhməd Əl-Cabir Əs-Sabah və baş nazir əlahəzrət Şeyx Nasser Əl-Məhəmməd Əl-Əhməd Əl-Cabir Əs-Sabah ilə görüşü nəzərdə tutulub.

Bununla yanaşı Azərbaycan-Küveyt Hökumətlərarası Komissiyasının birinci iclasının yekunlarına dair birgə mətbuat konfransın keçirilməsi və nazir E.Məmmədyarovun Küveytin “Ər-Ray” qəzetinə, “Sabah” televiziya kanalına müsahibə verməsi planlaşdırılıb.

Nümayəndə heyəti 11 yanvar tarixində Azərbaycana dönəcək. ANSPRESS