Azərbaycanda səfərdə olan Albaniya baş nazirinin müavini və xarici işlər naziri Edmond Hacinasto bu gün Fəxri xiyabanını ziyarət edərək, ümummilli lider Heydər Əliyevin xatirəsini ehtiramla yad edib, məzarı önünə əklil qoyub.

Sonra Şəhidlər xiyabanında Azərbaycanın müstəqilliyi və ərazi bütövlüyü uğrunda mübarizədə canlarından keçmiş qəhrəman Vətən övladlarının məzarları üzərinə tər qərənfillər düzülüb, “Əbədi məşəl” abidəsinin önünə əklil qoyulub.

E.Hacinasto Bakının ən hündür nöqtəsindən Azərbaycan paytaxtının mənzərəsini seyr edib.